Conan
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 بموتي تبشرني =")

اذهب الى الأسفل 
2 مشترك
كاتب الموضوعرسالة
Conan
āเҝιиģ
Conan


عدد المساهمات : 839
تاريخ التسجيل : 28/07/2011
العمر : 31
الموقع : الخبر

بموتي تبشرني =") Empty
مُساهمةموضوع: بموتي تبشرني =")   بموتي تبشرني =") Emptyالإثنين أغسطس 01, 2011 8:50 am

#

تذكر يوم اقولك جسد يحتوي روحين
واوعدك ما أخليك وتوعد ما تخليني؟
أذكر يومها أشوف بالدنيا بس أثنـين
قلبي اللي يحبك و قلبك اللي يحتويني..
بعدها بأيام شفت ايدك تحتضن ايدين
وانصدمت يوم شفت انها غير ايديني !
سكت لجل خاطرك وقلت مرحبا بالزين
مرحبا باللي القلب لجلـه حيل كاويني
مر يوم واسبوع وشهر وبعدها شهرين
وهو لازال مايدري بأني شفته بعيني
وأخاف اني أقوله له خاين و ينجرح بعدين
واخاف أسكت وبسكوتي صمتي حيل يشقيني
واجهته وانا ابكي والعين تحتضن العين
سألته : ليه تنسـاني؟ ولا ماكنت تغليني؟؟
سكت ولفّ عني وخبى وجهه بالإيدين ..
اللي كانت تحضني وغيرها ماتدفيني ..
سحبت وجهه ومسحت الدمع على الخدين
وقلت له والله أحبك ولو انك تخليني ..!
سكت فتره وقال لي : لازلتي تحبيني؟؟
بعد اللي تشوفينه
لا زلتي تحبيني؟؟
ابتسمت وقلت أجلك ماعرفت للحين اني
أحبك حيل واللي يرضيك يرضيني ..
سكت فتره وانا أعاود فرحة بقت لسنين
وتركته وتركت حبه اللي بقى فيني
وصارت الدمعـة اذا هلّت أقول أهلين
و البسمة هجرتني ونست دربها فيني ..
.بعدها بأيام سمعت خبر والله شين ..
سمعت انه مات وهو يطلب يلاقيني
ويوم اني رحت .. وصيته لي بورقتين
الأولى بها أسمي كتب بدمه يغليني
والثانيه يقول فيها : أبي اوضحلك شيين
الأولى أحبك حيل وماسكن غيرك شراييني
والثاني أمانه لا جيتي لأهلي تعزيّن
لا تنزل دموعك لي.. طلبتك لاتَبْكِينِي
كل اللي أبيه انك بالخير لي تدعين
وانك بالشهر مره بقبري تزوريني ..
واللي أبيك تعرفيه ومهم انك تعرفين
اللي شفتيها معي كانت بموتي تبشّرني
انا اللي خليتك من كيفي.. و عني تبعدين ..
لجل ما ينجرح قلبك بلحظة موت تحتويني ..
تكفين لا تظنين اني خنتك يا الغلا تكفين
واذا لازلتي تحبيني دايم بالخيرأذكريني ..
سكت وقلت : ياليتني ظليت معك وشفت الموت ياخذك مني
ولاكذا تخليني ..
تظنون اني نسيت أو الدمع جف بالعين؟
لا والله الين اليوم وهو معي يخاويني
لو تدور الدنيـا ولوتمر بعدها سنين
ما نسيته لو أشوف أحفادي حواليني ..
الرجوع الى أعلى الصفحة اذهب الى الأسفل
https://black-conan.hooxs.com
saron
Admin
Admin
saron


عدد المساهمات : 5
تاريخ التسجيل : 02/08/2011
العمر : 33
الموقع : Between heaven and earth , , ♥

بموتي تبشرني =") Empty
مُساهمةموضوع: رد: بموتي تبشرني =")   بموتي تبشرني =") Emptyالثلاثاء أغسطس 02, 2011 8:53 pm

نقل موفق
.
.
.
متابعه
الرجوع الى أعلى الصفحة اذهب الى الأسفل
 
بموتي تبشرني =")
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Conan :: منتدى عذب آلكلآم ♥ :: نزف آلمشآعر-
انتقل الى: