أتحملك وشلون وأنا عشانك
متحملٍ ضيم الليالي وراجيك
ياغايبه منهويجي في مكانك
من يوم غبتي والغلا منتهي فيك
روحي ترا قلبٍ على العهد صانك
يبقى لك أوفامن وجودك لطاريك
ياراحله..... منهو يعوض حنانك ..؟
لا ضاقت الدنيا على وين ألا قيك
ياقدرة الله ..... كيف قفى زمانك
وأنا نهاري فيك .....والليل يبديك
تدري وش اللي يذبح ..؟الصبرعانك
وأنا على فرقاك ..! ميت وأناديك
ياويل حالي .....يوم رحتي بأمانك
كنك تمنيني .....وكني آمنيك
قفي ودمعي ..! لاوقف..قلت خانك
يبقى لك أوفامن وجودك... لطاريك
مدري وش أسرع يوم قفى كيانك
خطوة فراقك .....وإلاهو قلب مغليك
